മുഖങ്ങൾ മായുമ്പോൾ...

 മുഖങ്ങൾ മായുമ്പോൾ...

കുഞ്ഞുന്നാൾ തൊട്ടു കണ്ടു തുടങ്ങിയ മുഖങ്ങളിൽ കുറെ ഏറെ ജീവിതത്തിന്റെ അരങ്ങൊഴിഞ്ഞു...

ചിലതെല്ലാം ഒരു ഞെട്ടലിൽ അറിഞ്ഞതും, ചിലതെല്ലാം സംഭവിക്കാം എന്നറിഞ്ഞതും...

സുനിലേട്ടയും സതിഷേട്ടയും രാധ മാമയും സുഭദ്രേടത്തിയും പിന്നെയും ആരൊക്കെയോ ആ ഞെട്ടലിൽ ഉൾപ്പെട്ടു....പലപ്പോഴും ഓർത്തു ഇവരിൽ ആരെയൊക്കെയോ...മനസ്സിൽ നിന്ന് അങ്ങനെ മായാതെ എപ്പോഴൊക്കെയോ ആ മുഖങ്ങളും സംസാരങ്ങളും എല്ലാം വന്നു പോയിക്കൊണ്ടിരുന്നു...

രാജമാമയും വിട പറഞ്ഞു...വയ്യാതായിട്ടു ഞാൻ കാണാത്തത് കൊണ്ടു ഇപ്പോഴും ആരോഗ്യത്തോടെ ഉള്ള ചിത്രം മാത്രമേ ഓർമയുള്ളൂ...നല്ലത്...

ഡയറിക്കുറുപ്പുകൾക്കു ഇച്ചിരി ഇടവേളയാണ്‌...മഷി വറ്റാതെ ഇരിക്കട്ടെ മനസ്സിൽ ! 

ഒരു ഇടവേളക്കപ്പുറം..

ഏറെ നാളത്തെ ഇടവേള...തിരക്കില്ലാതിരുന്ന നാളുകളിലും വിരുന്നു  കാരനായി പോലും വരാൻ അവനു കഴിഞ്ഞില്ല ...വികൃത ചിന്തകളിൽ അഭയം കാണുന്നത് നീ അറിയാതിരുന്നിരിക്കില്ല...നിന്നോളം അവനെ  അറിഞ്ഞ അക്ഷരക്കൂട്ടുകൾ വിരളം...

അക്ഷരങ്ങളുടെ ഗര്ഭച്ഛിദ്രത്തിൽ ഇറ്റുവീണ ചോരത്തുള്ളികൾ പോലെ  ചിലതു മായാതെ കിടന്നു...ആ തൂ വെള്ള വസ്ത്രത്തിൽ, സിന്ദൂര പൊട്ടു പോലെ...

ഭ്രാന്തമായ ഏതോ സന്ദർഭങ്ങളിൽ അവൻ കുറിച്ചിട്ടു..

ജീവിതത്തിലെ ഏതൊക്കെയോ നിമിഷങ്ങളിൽ അവൻ ഉടക്കി നിൽക്കുകയെന്നു തോന്നിപ്പോകുന്നതായി...അവനെ വിട്ടു മാറാൻ  ഇഷ്ടപ്പെടാത്ത പോലെ പല അനുഭവങ്ങളും മാനസികാവസ്ഥയും...

മാറാത്തത് താൻ ആണെന്ന് പറയാൻ ശ്രമിക്കുമ്പോഴും,അതല്ല മറ്റെന്തോ ആണെന്ന് പറഞ്ഞു ഒഴിഞ്ഞു മാറാൻ ആ മനസ്സ് ഒരുപാട് പരിശ്രമിക്കുന്നുണ്ടാവും ; കഴിയുന്നില്ലെങ്കിലും..

ചില ചിന്തകളുടെ ആഴങ്ങൾ മനസ്സിലാവാത്തതാണോ, മനസ്സിലാക്കാൻ കഴിയാഞ്ഞിട്ടാണോ എന്നുള്ള ആ ചിന്തകൾക്കിടയിലൂടെയുള്ള ഒളിച്ചോട്ടത്തിനിടയിൽ, ഏതൊക്കെയോ സന്ദര്ഭങ്ങളും മുഖങ്ങളും അവൻ്റെ മുന്നിൽ വഴിമുടക്കി നിൽക്കുന്നു...

മനസ്സിൻ്റെ സ്വയംഭോഗം

മനസ്സിൻ്റെ   സ്വയംഭോഗം

തലക്കെട്ട് വായിച്ചിട്ടു തന്നെ ഒരു നെറ്റി ചുളിച്ചിൽ ...എന്താ  ഇങ്ങനേ ??
അതേ  സ്വയം ഭോഗിക്കുകയാണ് ...ശരീരം കൊണ്ടല്ല ; മനസ്സു കൊണ്ട് !!

ഒരു ഭോഗത്തിനു ഒരു ശരീരം കൂടി അല്ലെങ്കിൽ , മനസ്സ് കൊണ്ടാണെങ്കിൽ ഇനിയൊരു മനസ്സു കൂടി വേണമല്ലോ ...

പ്രണയത്തിൽ ഒരു മനസ്സുകൊണ്ട് വേറൊരു മനസ്സിനെ ഭോഗിക്കാൻ കഴിഞ്ഞെങ്കിൽ ;അതിൽ നിന്നും ഒരു "മൂർച്ഛ " അനുഭവിച്ചുവെങ്കിൽ പിന്നെ ആ നിമിഷങ്ങളുടെ ഓർമ്മകളുടെ ചില്ലുകൂട്ടിൽ നിന്നു മാറി സ്വയം ഭോഗിക്കാൻ കുറച്ചു പ്രയാസമാണ് .വിശ്വാസത്തിലുറച്ച സത്യസന്ധമായ വികാരതീവ്രതകൾ ഉൾക്കൊണ്ടുകൊണ്ടാണ് അതു ചെയ്തതെങ്കിൽ മാത്രം !

ചിലർ മനസ്സിനെ ഭോഗിക്കാൻ പ്രേരിപ്പിച്ചു ഭോഗത്തിൽ ഏർപ്പെട്ടു അതിൻ്റെ തീവ്രതയിലേക്കു പോവാൻ സമ്മതിക്കാതെ പിൻവലിയുകയാണ് ...വേറേ ഭോഗതീരങ്ങൾ തനിക്കായി കാത്തിരിക്കുന്നുണ്ടാവുമോ എന്ന വ്യഗ്രതയോടെ ...പ്രതീക്ഷയോടെ ...ആ തിടുക്കവും കാത്തിരിപ്പും , അവിടെ അപൂർണഭോഗത്തിൽ ചലനമറ്റു കിടന്ന ആ മനസ്സിനെ ശ്രദ്ധിച്ചില്ല ...
പ്രതീക്ഷയുടെ പാളത്തിൽ കുതിക്കാൻ ഒരുങ്ങി നിൽക്കുകയാണ് ...തികച്ചും ലക്ഷ്യമില്ലെന്ന യാത്രയാണെന്നറിഞ്ഞിട്ടും ...

ചലനമറ്റ മനസ്സിനു കുളിരായും കൂട്ടായും നിന്നതു ആ മനസ്സിനെ അപ്പോഴും വിട്ടു പിരിയാതിരുന്ന നല്ല ചിന്തകളാണ് ..മുമ്പും ഭോഗങ്ങളുടെ അപൂർണതയിൽ ആ മനസ്സു തനിച്ചായപ്പോൾ , ബാക്കി നിന്നിരുന്ന നല്ല ചിന്തകളുമായി സ്വയംഭോഗിക്കാൻ പഠിപ്പിച്ച അതേ നല്ല ചിന്തകൾ ..ഇനിയും തുടരൂ, നിന്നെ ഞാൻ സന്തോഷിപ്പിക്കാം എന്നു മടുക്കാത്ത ആ മനസ്സു നല്ല ചിന്തകളെ ഭോഗത്തിനായ്‌ സ്വാഗതം ചെയ്യുന്നു ...


മനസ്സിൻ്റെ ആ സ്വയംഭോഗങ്ങൾ തുടർന്നുകൊണ്ടേയിരിക്കുന്നു ....

എൻ്റെ ക്ലിക്കുകൾ ...

എൻ്റെ മൊബൈൽ ഫോണിൽ ഞാൻ  പകർത്തിയ ചിത്രങ്ങളിലേക്കു ...