മനസ്സിൽ മായാതെ പ്രണയം ...

മനസ്സിൽ മായാതെ പ്രണയം ...
--------------------------------------

      ഞാൻ എന്നോടു ചൊല്ലുന്നു നിന്നോടലിയുവാൻ ...
      നിന്നിലലിയാനഗ്രഹം മാത്രമായ് ...
     കൊതിച്ചതോ , അതെൻ മനസ്സേകനായ് ...
     നീയറിയാതെ ഞാൻ മാത്രമായ് ...

     എന്തേ ഞാനറിഞ്ഞീല നിൻ മനം ; അതിൽ
     കപട ചിന്തകൾ സ്വരുക്കൂട്ടി വച്ചപ്പോൾ ...
     ഞാനിന്നുമോർക്കുന്നു ,എൻ മനസ്സിൻ  തെളിമയിൽ
     നാം ചേർന്നോരാ നിമിഷങ്ങൾ ഓരോന്നും ...

     എൻ മനസ്സിൽ തെളിയുന്ന നിൻ രൂപമെപ്പോഴും
     ഞാൻ ഹൃദയത്തിൽ ചേർക്കുന്നു ,ഇന്നുമെന്നും ...
     തനിച്ചാണന്നെനിക്കു തോന്നിയില്ലോരിക്കലും
     നീയും നിൻ ചിന്തയും മനസ്സിൽ മായാതെ നിൽക്കുമ്പോൾ ...

     മനസ്സിൻ മുഹൂർത്തങ്ങൾ നടന്നെങ്കിലെന്നു ഞാൻ
     ഒരുപാടോർത്തു പോയ്‌  ഇന്നല്ലെങ്കിലും ...
     സത്യമായ് നീയെൻ മനസ്സിലെ പ്രണയമായ് ...
     വിട ചൊല്ലുകില്ലെന്നതു തീർത്തും നിസ്സംശയം !!!

നിലാവിൽ.. എൻ ചാരെ നീ ...

എന്റെ കഴിവെന്നു വിളിക്കാൻ പ്രത്യെകതയൊന്നുമില്ലെങ്കിലും എന്നിൽ പിറന്ന ഈ വരികളോട് എനിക്ക് ഒരു സ്നേഹകൂടുതൽ തോന്നുന്നു ....അറിയാതെ...അറിയാതെ ...

നിലാവിൽ.. എൻ ചാരെ നീ ...
കിനാവിൽ ...എൻ കൂടെ നീ ...

വിരിയും പൂവിൻ മധുവായ് നുകരാൻ ഞാൻ ...
എൻ പ്രണയിനീ ...
കാറ്റായ് അലയായ്‌ എന്നെ തഴുകീ  നീ ...
എൻ പ്രണയിനീ ...

പുൽകീ ...നിന്നധരങ്ങൾ ...
ആർദ്രമായൊരു ഭാവമോടെ ...
അറിയാതെയോ ...ഞാനോർത്തു പോയ്‌ ...
തഴുകിയൊ ...ഒരു കുളിർ തെന്നൽ പോൽ ...

മുകിലിന്നഴകായ് നിന്നിലലിയാം ഞാൻ ...
എൻ പ്രണയമേ ...
അഴകിന്നഴകായ് എന്നിലെന്നും നീ ...
എൻ പ്രണയമേ ...

കേൾവൂ ...നിൻ നാദമെന്നും ...
മനസ്സിൽ ...ലയതാളമോടെ ...
അരികെയോ ...നീ അകലെയോ ...
പ്രണയമേ ...നീ  കൂടെയോ ...

നിലാവിൽ.. എൻ ചാരെ നീ ...
കിനാവിൽ ...എൻ കൂടെ നീ ...

ഞാൻ മാത്രമായെന്നും...

പ്രണയിനീ നിൻ മൃദു മന്ദഹാസവും ,മധുരമാം ശബ്ദവും

ശ്രീയേറും മുഖവും,നിൻ ചാരുതയും..

ഒളിച്ചു വച്ചൂ ഞാനെൻ ഹൃദയത്തിൻ നിശബ്ദ വേദനയിൽ

നീ പോലുമറിയാതെ...ഞാൻ  മാത്രമായെന്നും....

നമുക്കായ് നെയ്തൊരു സ്വപ്ന കുടീരത്തിൽ

കാത്തിരുന്നു ഞാൻ നിനക്കായെന്നെന്നും  ...

ഏതോ, പ്രണയ നിർഭര നിമിഷത്തിൽ പൊഴിഞ്ഞൊരു

കണ്ണുനീർ തുള്ളിയായ് , വേദനയിൻ നനവായ് ...

എനിക്കായ് നീ കാത്തിരിക്കുന്നെന്നു ശഠിച്ചോരെൻ

മനസ്സിന്റെ  ബാല്യത്തെ,ലാളിക്കാനാവാതെ...

വ്യഥയായ്‌ മാറിയ സ്വപ്നസുഖങ്ങളെ ,

പുണർന്നൂ ഞാനെൻ പ്രണയത്തിലൂടെപ്പോഴും...

നിനക്കായി ഞാൻ കൊതിച്ചപ്പോഴെല്ലാമെൻ -

ഹൃദയത്തിൽ തൊട്ടൊരു നേർത്ത നെടുവീർപ്പിന്നൊലി മാത്രം

ഇന്നും ലയിക്കുന്നു ഞാനാ പ്രണയത്തിൻ രാഗത്തിൽ

നീ പോലുമറിയാതെ...ഞാൻ മാത്രമായെന്നും...

The Story Starts from ......

The normal guy who never strikes on one's eyes in a single view...some times in several views... :)

My thoughts and memories refreshes through these cluster of alphabets...

My name is clubbed with "U" and the "mesh"...

Yes...You & Me...Made it...
At last , U left me to stay as a mesh, even I am Still living as Umesh...

The madness;some may think and some times me too...
I am loving this journey of my beautiful life...