ഞാൻ മാത്രമായെന്നും...

പ്രണയിനീ നിൻ മൃദു മന്ദഹാസവും ,മധുരമാം ശബ്ദവും

ശ്രീയേറും മുഖവും,നിൻ ചാരുതയും..

ഒളിച്ചു വച്ചൂ ഞാനെൻ ഹൃദയത്തിൻ നിശബ്ദ വേദനയിൽ

നീ പോലുമറിയാതെ...ഞാൻ  മാത്രമായെന്നും....

നമുക്കായ് നെയ്തൊരു സ്വപ്ന കുടീരത്തിൽ

കാത്തിരുന്നു ഞാൻ നിനക്കായെന്നെന്നും  ...

ഏതോ, പ്രണയ നിർഭര നിമിഷത്തിൽ പൊഴിഞ്ഞൊരു

കണ്ണുനീർ തുള്ളിയായ് , വേദനയിൻ നനവായ് ...

എനിക്കായ് നീ കാത്തിരിക്കുന്നെന്നു ശഠിച്ചോരെൻ

മനസ്സിന്റെ  ബാല്യത്തെ,ലാളിക്കാനാവാതെ...

വ്യഥയായ്‌ മാറിയ സ്വപ്നസുഖങ്ങളെ ,

പുണർന്നൂ ഞാനെൻ പ്രണയത്തിലൂടെപ്പോഴും...

നിനക്കായി ഞാൻ കൊതിച്ചപ്പോഴെല്ലാമെൻ -

ഹൃദയത്തിൽ തൊട്ടൊരു നേർത്ത നെടുവീർപ്പിന്നൊലി മാത്രം

ഇന്നും ലയിക്കുന്നു ഞാനാ പ്രണയത്തിൻ രാഗത്തിൽ

നീ പോലുമറിയാതെ...ഞാൻ മാത്രമായെന്നും...

ഇന്ന് പിറന്നാൾ ...

ഇന്ന് എന്റെ പിറന്ന നാൾ ...  

ഞാൻ തന്നെ എന്നെ പിറന്നാൾ ആശംസിച്ച് തുടങ്ങുന്നു ... :)

മീനത്തിൽ അശ്വതി നക്ഷത്രം . ഇതുവരെ മിക്കവാറും മാർച്ച്‌ മാസത്തിൽ ആയിരുന്നു പിറന്നാൾ, പക്ഷെ ഈ പ്രാവശ്യം ഏപ്രിലിൽ ആയി .വിഷുവിന്  മൂന്ന് നാൾ അകലെ ... 

രണ്ടായിരത്തി ഏഴു മുതൽ രണ്ടായിരത്തി പത്തു വരെ പിറന്നാൾ എന്തിന്റെയൊക്കെയോ കാത്തിരിപ്പും പ്രതീക്ഷയും ആയിരുന്നു .എന്തൊക്കെയോ  പ്രതീക്ഷകളും ,സ്വപ്നങ്ങളും, ആഗ്രഹങ്ങളും ആയിരുന്നു ആ വർഷങ്ങളിൽ ... പിന്നീട് രണ്ടു വർഷങ്ങൾക് ശേഷം അതു മാറി . തിരിച്ചറിവിന്റെ കുറച്ച് മാസങ്ങൾ ആയിരുന്നു ശരിക്കു പറഞ്ഞാൽ ...

പ്രവാസി ജീവിതത്തിലെ ആദ്യത്തെ പിറന്നാൾ ... നാട്ടിൽ ആയിരുന്നെങ്കിൽ വിഭവ സമൃദ്ധം അല്ലെങ്കിലും ഒരു ചെറിയ സദ്യ . അമ്മൂമ്മ ഉണ്ടായിരുന്നെങ്കിൽ  വിളക്കിനു മുൻപിൽ  ചോറു വിളംബിയിട്ടും പിറന്നാൾ കുട്ടി കഴിച്ചിട്ടും ഒക്കെ മറ്റുള്ളോർക്കു  ചോറു കിട്ടു . ഒരു രസായിരുന്നു അതെല്ലാം . ഇപ്പൊ എന്തു പിറന്നാൾ,എന്തു സദ്യ ??

ഹൃദയം നിറഞ്ഞ വിഷു ആശംസകൾ ....   

The Story Starts from ......

The normal guy who never strikes on one's eyes in a single view...some times in several views... :)

My thoughts and memories refreshes through these cluster of alphabets...

My name is clubbed with "U" and the "mesh"...

Yes...You & Me...Made it...
At last , U left me to stay as a mesh, even I am Still living as Umesh...

The madness;some may think and some times me too...
I am loving this journey of my beautiful life...